شوباز ہمیں پھنسا کر چلے گئے‘ جھوٹوں کا مقابلہ کرینگے:معاون خصوصی اطلاعات فردوس عاشق 

لاہور (نوائے وقت رپورٹ) معاون خصوصی اطلاعات فردوس عاشق اعوان نے کہا ہے کہ ن لیگ نے آج تک جو سچ بولا ہے وہ بیان کر دیں۔  کیا سپریم کورٹ میں سچ بولا۔ برطانوی عدالتوں میں سچ بولا۔ یہاں جلسوں ریلیوں میں کھڑے ہوکر سچ بولا تو بتا دیں۔ انہوں نے  ایک کاروبار جھوٹ بیچنے‘ بنانے اور مارکیٹ کرنے کا شروع کر رکھا ہے۔ جھوٹ سے جھوٹ کی داستان سناتے رہیں گے۔ ہم ان کے جھوٹوں کا مقابلہ کریں گے۔ انہیں چاروں شانے چت کریں گے۔  سینٹ کا الیکشن اس بات کی عکاسی کریگا۔ انہوں نے پریس کانفرنس سے خطاب کرتے ہوئے کہا کہ وزیراعظم نے قوم سے وعدہ کیا تھا کہ قانون کی بالادستی پر سمجھوتا نہیں کریں گے۔ قوم نے دیکھ لیا اپوزیشن نے کیا رویہ اختیار کیا۔  شوباز اور رنگ باز ہمیں پھنسا کر چلے گئے۔ ماضی میں ٹیکس پیئر کے پیسے سے سبسڈیز دی جاتی رہیں۔ اربن منصوبہ غربت، مہنگائی، بے روزگاری کا چیلنج کم کرنے میں معاون ہوگا۔