معروف گلوکارہ لیڈی گاگا کے دو چوری شدہ بلڈ اگ کتے جنھیں ایک پرتشدد اغوا میں چھین لیا گیا تھا بحفاظت واپس آگئے ہیں ۔امریکی ذرائع ابلاغ کے مطابق لاس اینجلس پولیس کے ترجمان مائیک لوپیز نے میڈیا سے گفتگو کرتے ہوئے بتایا کہ گزشتہ دنوں مسلح افراد نے لیڈی گاگا کے کتوں کے نگہبان ریان فشر کو فائرنگ سے زخمی کر کے اس سے 2 فرانسیسی نسل کے قیمتی کتے چھین لیے تھے جس کے بعد گلوکارہ نے سوشل میڈیا پر کتوں کی بحفاظت واپسی کی درخواست کرتے ہوئے اعلا ن کیا تھا کہ جو شخص کتے بحفاظت واپس لانے میں مدد کرے گا اسے5لاکھ ڈالر انعام دیا جائے گا۔انہوں نے مزید بتایا کہ گزشتہ روز ایک خاتون نے دونوں کتوں کو بحفاظت لاس اینجلس کے ایک پولیس اسٹیشن میں پہنچا دیا ہے جس کے بعد ان کتوں کو فوری طور پر گلوکارہ کے نمائندوں کے حوالے کر دیا گیا۔