آصف زرداری کی تعزیت کیلئے ثمینہ خالد گھرکی مہرین انور‘ عارف نظامی مرحوم کے گھر آمد

لاہور (نامہ نگار) پیپلز پارٹی کے کو چیئرمین وسابق صدر آصف علی زرداری کی لاہور میں سیاسی سرگرمیاں جاری ہیں۔ وہ گزشتہ روز پیپلز پارٹی پنجاب وویمن ونگ کی صدرثمینہ خالد گھرکی اور سابق وزیر مملکت برائے قانون و پارلیمانی امور مہرین انور راجہ کے گھر گئے۔ انہوں نے مہرین انور راجہ سے ان کی والدہ کی وفات پر اظہار افسوس کیا اور ان کی روح کے ایصال ثواب کے لئے فاتحہ خوانی کی۔ علاوہ ازیں آصف علی زرداری معروف سینئر صحافی عارف نظامی مرحوم کے گھر گئے۔ انہوں نے عارف نظامی مرحوم کی اہلیہ اور ان کے صاحبزادوں سے ملاقات کی اور عارف نظامی کی وفات پر اظہار افسوس کیا ہے۔