وہاڑی،میاں چنوں (نامہ نگار،کرائم رپورٹر،نمائندہ نوائے وقت)پولیس کی کارروائیاں ،38لاکھ مالیت کی چرس اور ہیروئین برآمد،سات ملزمان گرفتار،مقدمات درج تفصیل کے مطابق وہاڑی پولیس تھانہ صدر کے ایس ایچ او رانا محمد ادریس اور اس کی ٹیم نے مخبر کی اطلاع پر مختلف مقامات پر ریڈ کرتے ہوئے 6 ملزمان محمد اشفاق، طارق محمود، محمد عاشق، افضال، بلال اور علی اکبر کو گرفتار کر کے ان کے قبضہ سے 9 کلو 170 گرام چرس اور دو پسٹل معہ گولیاں برآمد کر لی ہیں منشیات کی قیمت 8 لاکھ روپے بنتی ہے ۔ڈی پی او محمد طارق عزیز نے کہا ہے کہ منشیات معاشرے کا ناسور ہیں جن سے کوئی رعایت نہ برتی جائے گی۔میاں چنوں سے نمائندہ نوائے وقت کے مطابق ڈی ایس پی ناصر ثاقب نے پریس کانفرنس میں بتایا کہ گرفتار ملزم عزیز اللہ خان بنوں کا رہائشی ہے جو کار میں  منشیات سپلائی کرتا تھا۔ پولیس تھانہ چھب کلاں نے علاقہ پل مسافر پر کاروائی کرتے ہوئے ملزم کو گرفتار کرلیا ملزم کے قبضہ سے 30لاکھ روپے مالیت کی ہیروئن برآمد کرکے مقدمہ درج کرلیا گیا ہے۔ ملزم کے زیر استعمال کار بھی قبضہ میں لے لی گئی ہے,پولیس نے بتایا ملزم کے دیگرساتھیوں کو بھی جلد گرفتارکرلیا جائے گا ملزم جنوبی پنجاب میں منشیات کا کاروبارکرتا تھا۔