پاکستان ‘آسٹریلیا پہلا ٹیسٹ ‘پہلے  دن کے 14ہزار ٹکٹ فروخت

 لاہور(سپورٹس رپورٹر)پاکستان اور آسٹریلیا کی تاریخی ٹیسٹ سیریز کے پہلے ہی روز ریکارڈ 14 ہزار سے زیادہ ٹکٹس آن لائن فروخت ہوگئے، راولپنڈی کے بعد آج سے کراچی اور لاہور کے ٹیسٹ میچز کے ٹکٹس کی بھی آن لائن بکنگ کروائی جاسکے گی۔ذرائع کے مطابق پہلے دن چار مارچ سے شروع ہونیوالے راولپنڈی ٹیسٹ کے ٹکٹس فروخت کیلئے پیش کیے گئے تھے۔ 
ٹکٹس خریدنے میں شائقین کی اتنی دلچسپی دیکھ کر پی سی بی حکام خاصے خوش ہیں اور انہیں امید ہے کہ ٹیسٹ میچز میں ریکارڈ تماشائی گراؤنڈ میں آکر پاکستانی ٹیم کو سپورٹ کریں گے۔ مارچ کے دوسرے ہفتے میں ون ڈے سیریز کیساتھ واحد ٹی ٹونٹی میچ کے ٹکٹس بھی بک کروانا ممکن ہوگا۔