پاکستان سپرلیگ کیلئے بھارتی کھلاڑیوں کو نہیں آنا چاہیے: کامران اکمل 

 لاہور (سپورٹس رپورٹر)پاکستانی کھلاڑی کامران اکمل نے کہا ہے کہ پاکستان سپرلیگ کیلئے بھارتی کھلاڑیوں کو نہیں آنا چاہیے۔بھارتی کرکٹ بورڈ صحیح کرتا ہے کہ بھارتی کھلاڑیوں کو پی ایس ایل کیلئے نہیں بھیجتا، مجھے یہ بتایا جائے کہ بھارتی کرکٹ بورڈ کس لیگ میں اپنے کھلاڑیوں کو کھیلنے دیتا ہے؟ کامران اکمل کے مطابق بھارت کو انداز ہ ہے کہ ان کا آئی پی ایل سیزن 2 ماہ کا ہے اس کے بعد ان کی انٹرنیشنل کرکٹ اتنی زیادہ ہے کہ ان کا کھلاڑی فنانشلی اتنا سٹرونگ ہوجاتا ہے کہ انہیں مزید کرکٹ کھیلنے کی ضرورت ہی نہیں پڑتی، ہمارا بورڈ بھی ایسے کرسکتا ہے اور ہم بھی اس طرح اپنے کھلاڑیوں کو بچاسکتے ہیں۔