لاہور(سپورٹس رپورٹر)لاہور قلندرز کے کپتان شاہین شاہ آفریدی کی پشاور زلمی کے خلاف پہلی ہی گیند پر وکٹ کیپر بیٹر محمد حارث کا بلا دو ٹکرے ہو گئے۔ شاہین شاہ آفریدی کی جانب سے اننگز کا پہلا اوور کرایا گیا جس کا سامنا پشاور زلمی کے وکٹ کیپر بیٹر محمد حارث نے کیا۔شاہین شاہ آفریدی کی پہلی ہی گیند کو محمد حارث نے دفاعی انداز سے روکا لیکن اسی دوران ان کا بیٹ دو ٹکرے ہو گیا۔محمد حارث نے ڈگ آؤٹ میں بیٹھے ساتھیوں سے دوسرا بلا منگوایا لیکن شاندار یارکر نے ان کی آف سٹمپ کی وکٹ اکھاڑ دی۔