پتوکی: ایس ایچ اوز کے تقررو تبادلے بھی وارداتیں کم نہ کرپائے 

پتوکی(نمائندہ نوائے وقت)پتوکی ایس ایچ اوز کے تقررو تبادلے بھی ڈکیتی اور راہزنی کی وارداتیں کم نہ کرپائے پولیس کی کارکردگی بالکل صفر شہری اور تاجر روزانہ نقدی سمیت قیمتی اشیاء سے محروم ہونے لگے۔ تفصیلات کے مطابق پنجاب حکومت کی جانب سے صوبہ بھر میں پولیس افسران اور ایس ایچ او از کے تقرروتبادلوں کے بعد پتوکی میں نئے ایس ایچ او کی آمد کے باوجودچوری،ڈکیتی اور راہزنی کی وارداتیں تھم نہ سکی گزشتہ روزڈکیتی کی دو وارداتیں ایک واردات بمبے ہوٹل بازار میں شام ہوتے ہی مغرب کے وقت تین مسلح ڈاکوئوں نے تاجر کو یرغمال بنا کر 5لاکھ نقدی لوٹ کر فرار ہوگئے ڈکیتی کی سی سی ٹی وی فوٹیج بھی سامنے آگئی جبکہ دوسری ڈکیتی میںتھانہ سٹی کے سامنے تاجر کی شوز کی دوکان بھی محفوظ نہ رہی۔