ہمسائے کے گھر پر فائرنگ‘2 نوجوان گرفتار ‘اسلحہ برآمد

لاہور(نامہ نگار)ملت پارک پولیس نے ہمسائے کے گھر پر فائرنگ کرنے والے دو نوجوانوں کو گرفتار کر لیا ہے۔ملت پارک کے علاقے میں دو ملزمان نے ہمسائے کے گھر پرفائرنگ کر دی۔ اطلاع ملنے پر ملت پارک پولیس نے فائرنگ کرنے والے ملزمان عدیل عرف نومی اور بابر عرف ڈان کو گرفتار کر لیا ہے اور ملزمان کے قبضہ سے اسلحہ برآمد کر کے ان کے خلاف مقدمہ درج کرلیاہے۔ایس پی اقبال ٹاؤن محمد عثمان ٹیپو نے کہا کہ شہر میں فائرنگ، اسلحہ کی نمائش اور ناجائز اسلحہ رکھنے پر مکمل پابندی عائد ہے۔ قانون کی خلاف ورزی کرنے والوں کے خلاف بلاامتیاز کارروائیاں جاری ہیں۔ علاقے میں خوف و ہراس پھیلانے والوں کے خلاف قانون کے مطابق کارروائی کی جائے گی۔