محقق حیات عبداللہ کی نئی کتاب ’’کھوج‘‘ شائع 

لاہور (کلچرل رپورٹر) معروف مصنف، محقق اور سینئر اْستاد حیات عبداللہ کی نئی کتاب ’’کھوج‘‘ شائع ہو گئی ہے۔ کھوج بنیادی طور پر اخبارات و رسائل میں شائع ہونے والے اشعار کا تحقیقی جائزہ ہے۔ اکثر دیکھا گیا ہے کہ بعض کالم نگار اور قلم کار اپنی تحریروں میں ندرت پیدا کرنے کیلئے اشعار اور مصرعوں کا سہارا لیتے ہیں بلاشبہ اس سے اس تحریر کا لطف دوبالا ہوتا ہے۔ قلم فائونڈیشن انٹرنیشنل نے اس مجموعہ ہائے کالم کو کتابی شکل میں شائع کر کے محفوظ کر دیا ہے۔ یہ اس سلسلے کی پہلی کتاب ہے۔ اردو کے طالب علموں کو اپنے علم میں اضافے کا موقع ملتا رہے گا۔