پاکستان تحریک انصاف نے سیاست میں ناشائستگی کو فروغ دیا:عظمیٰ بخاری 

لاہور(نیوزرپورٹر)پاکستان مسلم لیگ ن کے رہنما عظمیٰ بخاری نے کہا ہے کہ سیاست میں مہذب گفتگو ہونی چاہیے، پاکستان تحریک انصاف نے سیاست میں ناشائستگی کو فروغ دیا۔ ہم نے ہمیشہ ڈاکٹر یاسمین راشد کی عزت کی، لیکن اب وہ بھی ناشائستہ زبان استعمال کر رہی ہیں، ڈاکٹر یاسمین راشد فردوس عاشق اعوان اور شہباز گل جیسی زبان استعمال کررہی ہیں۔لاہور میں پریس کانفرنس کرتے ہوئے کہا کہ عمران خان نے گزشتہ چار سال میں صحت کے شعبے کو تباہ کردیا۔ آپ نے ملک میں مفت ادویات بند کروا دیں۔لیگی رہنما نے کہا میں آپ کی زبان میں آپکو جواب نہیں دے رہی، آپکا لیڈر سپورٹس کوٹے پر آکسفورڈ یونیورسٹی سے پڑھ کر آیا۔ کرونا کے دوران ٹائیگر فورس کو کورونا فنڈز سے ادائیگیاں کی گئیں۔