لاہور(سپورٹس رپورٹر)پاکستان کرکٹ ٹیم کے فاسٹ بائولر حسن علی نے بھی پیٹرول بہت مہنگا کہتے ہوئے مذاق کا ایمو جی استعمال کیا ۔ کراچی میں کھیلے گئے پاکستان سپر لیگ کے 13 ویں میچ میں اسلام آباد یونائیٹڈ کے حسن علی نے کوئٹہ گلیڈی ایٹرز کے 3 کھلاڑیوں کو آئوٹ کیا۔حسن علی نے میچ میں وکٹس حاصل کرنے کے بعد اپنے روایتی انداز میں جشن نہیں منایا تو مداحوں کو تشویش ہو گئی۔پی ایس ایل کے سوشل میڈیا اکائونٹ پر بھی اس حوالے سے پوسٹ کی گئی۔پی ایس ایل کے ٹوئٹر اکائونٹ پر حسن علی کی وکٹس حاصل کرنے کی ویڈیو شیئر کرتے ہوئے لکھا گیا کہ جنریٹر چلائو یار۔اس ٹوئٹ کا جواب دیتے ہوئے حسن علی نے لکھا کہ پیٹرول بہت مہنگا ہے۔حسن علی نے اپنے جواب کے ساتھ مذاق کا ایموجی بھی استعمال کیا۔