حافظ آباد (نمائندہ نوائے وقت)پاکستان ہومیو پیتھک میڈیکل ایسوسی ایشن حافظ آباد کے سالانہ انتخابات میں ڈاکٹر محمد شہباز صدر اور ڈاکٹر امجد مراد سیکریٹری جنرل منتخب ہوگئے۔ دیگر عہدیداران میں ، سینئر نائب صدرہومیو ڈاکٹر میاں محمد نعیم نائب صدراول ہومیو ڈاکٹر نزر حسین کھوکھر، نائب صدر دوم ہومیو ڈاکٹر نوید الاسلام گھمن،، جائنٹ سیکرٹری ہومیو ڈاکٹر محمد آصف شامل ہیں۔بعدازاں نومنتخب عہدیداران کی تقریب حلف برداری منعقد ہوئی جس میں مہمانان خصوصی ہومیو ڈاکٹر راؤ غلام مرتضیٰ صدر نیشنل کونسل برائے ہومیو پیتھی اسلام آباد، ہومیو ڈاکٹر فیصل سلیم چیف آرگنائزر پی ایچ ایم اے پاکستان، ہومیو ڈاکٹر نعیم حفیظ نائب صدر پی ایچ ایم اے پنجاب، ڈاکٹر ریحان اظہر سابق سی ای او ہیلتھ تھے۔ ہومیو ڈاکٹر راؤ غلام مرتضیٰ مرکزی صدر نیشنل کونسل برائے ہومیو پیتھی نے نو منتخب عہدیداروں کو مبارکباد دی اور ان سے حلف لیا ۔تقریب سے ہومیو ڈاکٹر فیصل سلیم چیف آرگنائزر پی ایچ ایم اے پاکستان، ہومیو ڈاکٹر نعیم حفیظ نائب صدر پی ایچ ایم اے پنجاب، ڈاکٹر ریحان اظہر ،ڈاکٹر محمد ایوب بھٹی سابق ضلعی صدر پی ایچ ایم اے اور نو منتخب صدر ڈاکٹر محمد شہباز نے بھی خطاب کیا جبکہ اسٹیج سیکرٹری کے فرائض ہومیو ڈاکٹر امجد مراد نے ادا کیے۔