اے ڈی سی آر نے  اراضی ریکارڈ سینٹرز سٹی، صدرکا دورہ کیا

گوجرانوالہ(نمائندہ خصوصی)ایڈیشنل ڈپٹی کمشنر ریونیو ڈاکٹر مجتبٰی بھروانہ نے اراضی ریکارڈ سینٹرز تحصیل آفس میں (سٹی، صدر)کی برانچوں اور دفاتر کا اچانک دورہ کیا ، اس دوران انہوں نے رجسٹریشن برانچ، دیہی مراکز مال، ریکارڈ روم، اراضی ریکارڈ سنٹراور دیگر برانچوں میںسٹاف کی حاضری، سائلین کو فراہم کی جانے والی سروسز اور دیگر انتظامی امور کا جائزہ لیا ، انہوں نے سائلین کے مسائل بھی سنے اوران کے بیٹھنے کے لئے انتظار گاہ بنانے کی ہدایت کی انہوں تمام افسروں و عملہ کو ہدایت کی کہ وہ وقت کی پابندی کو اپنا لازم حصہ بنائیں اور سائلین سے خوش اخلاقی سے پیش آئیں، انہوں نے تحصیل آفس میں قائم دیہی مرکز مال کا بھی دورہ کیا انہوں نے اس موقع پر کہا کہ دیہی مراکزمال کا دائرہ کار قانونگوئی سے بڑھا کر ضلع بھر کے پٹوار سرکلز تک کردیا گیاہے اوران کوکمپیوٹر سسٹم بھی فراہم کر دیا گیا ۔