ایڈمنسٹریٹر ڈی ایم سی ایسٹ سید شکیل کی خدمات کااعتراف 

کراچی (کامرس رپورٹر) ایڈمنسٹریٹر ڈی ایم سی ایسٹ سید شکیل احمد کو گزشتہ دنوں پاک نیوی کی جانب سے منعقدہ نمائش PIMEC-2023 میں خدمات کی فراہمی پر چیف اسٹاف افسرکمانڈرکراچی،کموڈور احمد شجاع کی جانب سے تعریفی خط کا اجراء کیا گیا ہے جس میں مذکورہ نمائش کے کامیاب انعقاد پر ایڈمنسٹریٹر ڈی ایم سی ایسٹ سید شکیل احمد سمیت ان کی ٹیم کا شکریہ ادا کیا گیا ہے تعریفی خط میں کہا گیا ہے کہ پاکستان کی بلیو اکانومی کے فروغ جیسے عظیم مقصد میں تعاون پر ایڈمنسٹریٹر سید شکیل احمد کے مشکور ہیں جسے طویل عرصے تک یاد رکھا جائے گا.تعریفی خط پر ایڈمنسٹریٹر ڈی ایم سی ایسٹ، سید شکیل احمد نے کوموڈور احمد شجاع کاشکریہ ادا کرتے ہوئے کہا ہے کہ پاکستان کی سر بلندی کیلئے جو بھی کام ہوگا اس میں بڑھ چڑھ کر حصہ لیں گے،پاکستان نیوی سمیت دفاعی ادارے ہمارے سر کے تاج ہیں،انہوں نے PIMEC-2023 جیسی عظیم الشان نمائش جس نے پاکستان کا سر فخر سے بلند کیا کے انعقاد پر پاک نیوی کو خراج تحسین پیش کیا۔