کھوڑ شہرمیں مسلسل چوریوں کے خلاف شہری سڑکوں پر آگئے

کھوڑ(نامہ نگار) کھوڑ میں چوری کی پے درپے وارداتوں اور چوروں کی چوکیدارکی مزاحمت پر چوکیدارکو زدوکوب اورفائرنگ کرنے کے خلاف گذشتہ روز معززین شہر نے کھوڑ کمپنی میلاد چوک پر احتجاج  ریکارڈ کرایا معززین شہر کا مطالبہ تھا کہ چوروں کو جلد گرفتارکیاجائے گشت کو موثر اور مضبوط بنایاجائے علاقہ کو محفوظ رکھنے کے لیئے کھوڑ میں تھانہ اور گنڈاکس میں پولیس چوکی قائم کی جائے اس دوران اسد ڈی ایس پی پنڈیگھیب اور ایس ایچ او پنڈیگھیب موقع پر پہنچ گئے ڈی ایس پی صاحب نے معززین شہر کے ساتھ پولیس چوکی کھوڑ میٹنگ کی ڈی ایس پی صاحب نے معززین شہر کو یقین دلایا کہ آپ کا تعاون شامل حال رہا تو انشاء اللہ بہت جلد چوروں کو گرفتار کرلیں گے انہوں نے کہا آ پ لوگ پرسکون سوئیں گے تو مجھے سکوں ملے گا اس موقع پر ڈی ایس پی صاحب نے ایس ایچ او اور انچارج پولیس چوکی کھوڑ کو حکم دیا کہ گشت کو بڑھایاجائے اور کرایہ داروں کی رجسٹریشن کی جائے جن مارکیٹوں کے چوکیدار نہیں انہیں چوکیدار رکھنے کا پابند کیاجائے ۔