پاکستان سپر لیگ 9 کے 14 ویں میچ میں ملتان سلطانز نے لاہور قلندرز کو 215رنز کا ٹارگٹ دے دیا۔
تفصیلات کے مطابق میچ کا ٹاس ملتان سلطانز نے جیتا تو کپتان محمد رضوان نے پہلے بیٹنگ کا فیصلہ کیا، میچ شروع ہو ا تو اوپنرز محمد رضوان اورہینڈرکس کریز پر آئے، پہلے اوور میں ہی قلندرز کپتان شاہین آفریدی نے محمد رضوان کو بولڈ کر دیا، انہوں نے کوئی رن نہیں بنایا۔74 کے مجموعی سکور پرہینڈرکس نے سکندر رضا کی گیند پر کیچ دے دیا جو صاحبزادہ فرحان نے پکڑا، انہوں نے 40رنز بنائے۔ عثمان خان اور طیب طاہر نے طویل پارٹنر شپ کے دوران14 ویں اوور کے اختتام پر مجموعی سکور144 رنز تک پہنچا دیا۔طیب طاہر کو براتھ ویٹ نے151 کے مجموعے پر پویلین کی راہ دکھائی، عثمان خان اور افتخار احمد نے 18 ویں اوور کے اختتام پر 194 رنز بنا لئے۔
