واشنگٹن (نیٹ نیوز) امریکی صدر اوباما ایک بار پھر مکھی کی زد میں آ گئے۔ وائٹ ہاﺅس میں تقریر کے دوران مکھی نے دنیا کے طاقتور ترین شخص کو زچ کر کے رکھ دیا۔ مکھیوں کو لگتا ہے صدر اوباما سے کچھ زیادہ ہی پیار ہے۔ یہی وجہ ہے مکھیوں نے دوسری مدت صدارت میں بھی ان کا پیچھا نہیں چھوڑا۔ سٹاک ایکسچینج کے سربراہ کی تقرری کا اعلان کرتے وقت ایک مکھی اوباما کے گرد منڈلانے لگی۔ صدر نے کئی بار اسے ہٹانے کی کوشش کی لیکن مکھی نے اس کا کوئی اثر نہ لیا۔ زچ ہو کر امریکی صدر یہ کہنے پر مذبور ہو گئے کہ مکھیوں نے انہیں بہت تنگ کر رکھا ہے۔ دو سال پہلے بھی ایک تقریب میں مکھی نے امریکی صدر کا ناک میں دم کر دیا تھا۔