رہبر کپ ٹی ٹوئنٹی ٹورنامنٹ آصف زمان میموریل، لاہور جم خانہ سیمی فائنل کیلئے کوالیفائی کر گیا

لاہور (سپورٹس رپورٹر) آصف زمان میموریل کر کٹ کلب اور لاہور جم خانہ کر کٹ کلب نے دوسرے رہبر کپ ٹونٹی ٹونٹی کلب کر کٹ ٹورنامنٹ کے سیمی فائنل کے لئے کوالیفائی کر لیا۔ آصف زمان میموریل کر کٹ کلب نے  کوارٹر فائنل میں  سروس کلب کو 20رنز سے شکست دے دی ۔آصف زمان میموریل کر کٹ کلب کی ٹیم نے  4 وکٹوں  پر 202رنز بنائے۔ سروس کلب کی ٹیم آخری اوور کی دو سری گیند پر 182رنز بناکر آئوٹ ہو گئی ۔آخری کوارٹر فائنل میں لاہور جم خانہ کر کٹ کلب نے ماڈل ٹائون گرینز کر کٹ کلب کو پانچ وکٹوں سے شکست دی۔ ماڈل ٹائون گرینز کی ٹیم  152رنز بناکر آئوٹ ہو گئی۔  لاہور جم خانہ کر کٹ کلب نے عاصم بچہ کی شاندار سنچری کی بدولت آخری اوور میں ہدف حاصل کر لیا۔ رائید خان نے 19اور حسنین عالم 14رنز بناکر نمایاں رہے۔