ملتان ڈویژن میں 11 ہزار 74 ایکڑ 8 کنال سرکاری زمین پر قبضوں کا انکشاف

لاہور (میاں علی افضل سے ) ملتان ڈویژن کے 4 اضلاع کی مجموعی 3 لاکھ 83 ہزار 572 ایکڑ 4 کنال 19 مرلہ زمین میں سے 11 ہزار 74 ایکڑ 8 کنال سرکاری زمین پر قبضوں کا انکشاف ہوا ہے۔ لودھراں، خانیوال، وہاڑی اور ملتان میں مجموعی سرکاری زمین سے 1 لاکھ 61 ہزار 28 ایکڑ 4 کنال 22 مرلہ زمین پر سرکاری ترقیاتی کام جاری ہیں۔ 72 ہزار 121 ایکڑ 2 کنال 7 مرلے زمین سرکاری محکموں کے پاس ہے جبکہ 7 ہزار 764 ایکڑ 5 کنال 26 مرلہ زمین خالی پڑی ہے۔ 32 ہزار 967 ایکڑ 7 کنال 18 مرلہ زمین مختلف افراد کے پاس لیز پر ہے۔ 2 ہزار 243 ایکڑ 6 کنال 11 مرلہ زمین کاشتکاری کیلئے استعمال کی جارہی ہے۔ 12 سو 24 ایکڑ 4 کنال 14 مرلہ زمین بنجر پڑی ہے۔ ملتان میں مجموعی طور پر 22 ہزار 117 ایکڑ 6 کنال 7 مرلہ میں سے 9 ہزار 737 ایکڑ 4 کنال مختلف سرکاری محکموں کے پاس ہے۔ 2 ہزار 64 ایکڑ 4 کنال 14 مرلہ زمین مختلف افراد کے پاس لیز پر ہے۔ 2 ہزار 311 ایکڑ 2 کنال 11 مرلہ زمین پر مختلف افراد کا قبضہ ہے۔ 625 ایکڑ زمین کاشتکاری کیلئے استعمال ہورہی ہے۔ وہاڑی میں مجموعی طور پر 1 لاکھ 70 ہزار 648 ایکڑ سرکاری زمین سے 24 ہزار 278 ایکڑ زمین مختلف سرکاری محکموں کے پاس ہے۔ 3 ہزار 134 ایکڑ سرکاری زمین مختلف افراد کے پاس لیز پر ہے 350 ایکڑ زمین پر مختلف افراد کا قبضہ ہے۔ 81 ایکڑ زمین زیرکاشت ہے۔ خانیوال میں مجموعی 1 لاکھ 8 ہزار 501 ایکڑ 1 کنال 12 مرلہ زمین میں سے 26 ہزار 175 ایکڑ 2 کنال 7 مرلہ زمین مختلف سرکاری محکموں کے پاس ہے۔ 19 ہزار 221 ایکڑ 7 کنال 4 مرلہ زمین مختلف افراد کے پاس لیز پر ہے۔ 7 ہزار 893 ایکڑ 1 کنال 9 مرلہ زمین پر مختلف افراد کا قبضہ ہے۔ 1 ہزار 353 ایکڑ زمین زیرکاشت ہے۔ لودھراں میں مجموعی 82 ہزار 305 ایکڑ 5 کنال زمین سے 11 ہزار 930 ایکڑ 4 کنال زمین مختلف سرکاری محکموں کے پاس ہے۔ 15 ہزار 350 ایکڑ 7 کنال زمین پر مختلف ترقیاتی کام جاری ہیں۔ 8 ہزار 547 ایکڑ 4 کنال زمین مختلف افراد کے پاس لیز پر ہے۔ 520 ایکڑ 4 کنال زمین پر مختلف افراد کا قبضہ ہے، 183 ایکڑ 6 کنال زمین زیرکاشت ہے جبکہ 491 ایکڑ 4 کنال بنجر پڑی ہے۔