کراچی (کرائم رپورٹر) شاہ لطیف ٹائون میں مبینہ طور پر معطل ایس ایس پی ملیر رائو انوار پر خودکش حملہ کرنے والے ملزم کی شناخت ہوگئی۔ گل سعید کی نعش ورثا کے حوالے کر دی گئی۔ گل سعید اورنگی ٹائون کے علاقے فرید کالونی کا رہنے والا اور ڈرائیور تھا اس کے بھائی شعیب کے مطابق کراچی اور پشاور کے درمیان ٹرک چلاتا تھا گھر سے نکلنے کے بعد غائب ہوا تو ہم سمجھے گاڑی لے پشاور چلا گیا۔ واضح رہے کہ اس سے قبل مبینہ پولیس مقابلے میں نقیب اللہ محسود کے ساتھ مارے جانے والے ایک ملزم نذر جان کی بھی شناخت ہوچکی ہے جسے گزشتہ روز جنوبی وزیرستان کے علاقے شکتوئی میں سپرد خاک کیا گیا۔