گوجرانوالہ+ حافظ آباد + ونیکے تارڑ (نمائند خصوصی+ نمائندہ نوائے وقت+ نامہ نگار) گوجرانوالہ پولیس کی کارروائی، دینی مدرسہ سے آٹھ روز قبل اغوا ہونے والے بارہ سالہ طالبعلم کو اغوار کار سمیت اور دیگر دو بچوں کو بازیاب کروا لیا۔ تفصیلات کے مطابق قریباً آٹھ روز قبل مدنی پور قلعہ دیدار سنگھ کا رہائش بارہ سالہ بچہ سجاد ولد منظور جوکہ سیٹلائٹ ٹائون گوجرانوالہ کے ایک دینی مدرسہ میں زیرتعلیم تھا جس کے لاپتہ ہونے پر بازیابی کیلئے گوجرانوالہ میں احتجاجی مظاہرے بھی کئے گئے۔ گزشتہ روز ایس ایچ او سکھیکی ارشد سیکھو کو مخبری ہوئی کہ ملزم ظفر سکنہ شیخوپورہ ایک مزدور لیاقت علی سکنہ محلہ حاجی پور سکھیکی کو نشہ آور دوا پلا کر اس کی گدھا گاڑی چھین لی، جس پر پولیس نے تعاقب کرکے ملزم ظفر کو گرفتار کیا تو اس کے ہمراہ گوجرانوالہ کے دینی مدرسہ کا اغوا ہونے والا بارہ سالہ بچہ سجاد بھی پایا گیا۔ پولیس نے بتایا کہ ملزم مبینہ طورپر بچے سے بیگار لے رہا تھا۔ گوجرانوالہ سے نمائندہ خصوصی کے مطابق گرجاکھ کے علاقے سے لاپتہ ہونے والے بچے دس سالہ شاہ فیصل خان اور آٹھ سالہ ہارون خان سکنہ حافظ آباد کو پولیس نے بازیاب کرلیا۔ اہل علاقہ اور والدین کا اظہار تشکر۔