انگلینڈ ٹیسٹ کرکٹ میں 5لاکھ رنزبنانے والی دنیا کی پہلی ٹیم بن گئی

جوہانسبرگ(آئی این پی) انگلینڈ ٹیسٹ کرکٹ میں 5لاکھ رنز بنانے والی دنیا کی پہلی ٹیم بن گئی۔جنوبی افریقہ سے جاری چوتھے ٹیسٹ میں کپتان جوئے روٹ کے کورز کی جانب سنگل کیلیے شاٹ کھیلتے ہی انگلش ٹیم نے طویل طرز کے فارمیٹ میں ہاف ملین رنز مکمل کرلیے۔آسٹریلیا کی ٹیم 4لاکھ 32ہزار 706رنز کے ساتھ دوسرے جبکہ بھارت 2لاکھ 73ہزار 518رنز کے ساتھ تیسرے نمبر پر موجود ہے۔