لاہور سے کراچی جانیوالی بزنس ایکسپریس کی 6 بوگیاں پٹڑی سے اتر گئیں، 2 مسافر زخمی

خیر پور(صباح نیوز)سندھ کے شہر خیر پور میں واری گوٹھ کے مقام پر بزنس ایکسپریس کی 6 بوگیاں ٹریک سے اتر گئیں جس سے 2 مسافر زخمی ہو گئے۔ریلوے ذرائع کے مطابق ٹرین کے پٹری سے اترنے کے حادثے کے باعث 500 میٹر تک ٹریک کو نقصان پہنچا ہے، تاہم کسی جانی نقصان کی کوئی اطلاع نہیں ہے۔حادثے کے بعد اپ لنک اور ڈائون لنک ٹریفک کے لیے بند کر دیئے گئے ہیں‘ تاہم ٹریک کی مرمت کے بعد ٹرینوں کی آمدورفت بحال کر دی گئی۔