جدہ‘ اسلام آباد (نیٹ نیوز+ سٹاف رپورٹر) سعودی دارالحکومت ریاض میں ایک  زور دار دھماکے کی آواز سنی گئی ہے تاہم ابھی تک اس دھماکے کی وجوہات نہی بتائی گئیں۔ سعودی  سرکاری ٹیلی ویژن العربیہ نے مقامی ذرائع کے حوالے سے اس دھماکے کے بارے میں بتایا ہے۔ سوشل میڈیا پر گردیش کرنے والی ویڈیوز میں دعویٰ کیا جا رہا ہے کہ یہ دھماکہ ریاض کے اوپر ایک اور میزائل کو تباہ کرنے کی وجہ سے ہوا۔ ادھر پاکستان نے سعوی عرب کے دارالحکومت ریاض پر فضائی حملوں کی شدید مذمت کرتے ہوئے کہا ہے کہ یہ حملے نہ صرف بین الاقوامی قوانین کی خلاف  ورزی ہیں بلکہ ان کی وجہ سے خطہ کے امن و استحکام کو خطرات لاحق ہوں گے۔ ترجمان دفتر خارجہ نے اس حوالہ سے اپنے ردعمل میں کہا کہ  پاکستان سعودی عرب کی سالمیت اور خودمختاری کی بھرپور حمایت کا اعادہ کرتا ہے اور مملکت کے ساتھ کھڑا ہے۔