لاہور(سپورٹس رپورٹر) اوٹی سی لاہور چیلنج کپ کا فائنل آج شاہ فیصل گراونڈ پر کھیلا جائے گا۔ لاہور کی کلب کرکٹ کی تاریخ میں پہلی مرتبہ پلیئر آف دی ٹورنامنٹ کو 70 سی سی موٹر سائیکل انعام میں دی جائے گی۔ فائنل میچ میں کرکٹ سنٹر کلب اور گولڈن سٹار کلب کی ٹیمیں آمنے سامنے ہوں گی۔ دونوں ٹیموں میں موجودہ اور سابق سٹارز ایکشن میں ہوں گے۔ ٹیسٹ وکٹ کیپر کامران اکمل، طارق نواز، محمد وحیدکرکٹ سنٹرکی نمائندگی کریں گے جبکہ قائد اعظم ٹرافی میں حسن علی کے ہمراہ سینٹرل پنجاب کی کامیابی کے ہیرو احمد صفی عبداللہ، اسد رضا، عبدالصمد،محمد سلیم ، صداقت علی اور فیضان ظفر گولڈن سٹار کی نمائندگی کریں گے۔ آئی سی سی امپائر احمد شہاب اور پی سی بی پینل امپائر عرفان دلشاد امپائرنگ ساجد عثمان سکورر جبکہ فرقان بٹ تھرڈ امپائرہوں گے۔