لاہور (سپورٹس رپورٹر)پاکستان سپر لیگ فرنچائز کوئٹہ گلیڈی ایٹرز کا 7واں سیزن جیتنے پر عمرہ ادائیگی کا اعلان کیاہے۔کوئٹہ گلیڈی ایٹرز ٹیم کے ٹائٹل سپانسر کے عہدیداروں نے کراچی میں ہونے والی تقریب میں اعلان کیا۔انہوں نے کہا کہ کوئٹہ گلیڈی ایٹرز پی ایس ایل 7 جیتے گی تو اسے عمرہ کی ادائیگی کرائے جائے گی۔کوئٹہ گلیڈی ایٹرز کے مالک ندیم عمر کا کہنا تھا کہ اس مرتبہ ٹیم ضرور کامیاب ہوگی۔ عمر اکمل گزشتہ دنوں کرونا کا شکار تھے، جس کی وجہ سے پریکٹس میں حصہ نہ لے سکے، اب ان کا آئسولیشن مرحلہ مکمل ہوگیا ہے وہ جلد میدان میں نظر آئیں گے۔ عمر اکمل کو پی ایس ایل میں سنجیدگی سے اپنا ٹیلنٹ دکھانا ہوگا تاکہ مستقبل کیلئے ان کی راہیں کھلی رہیں۔ شاہد آفریدی سالی کے انتقال کی وجہ سے ببل سے باہر نکلے تھے۔