لاہور(سپورٹس رپورٹر)پاکستان سپر لیگ 7 کیلئے پشاور زلمی کی ٹیم مینجمنٹ کا اعلان کر دیا گیا۔ترجمان پشاور زلمی کے مطابق سابق انگلش کرکٹر جیمز فوسٹر کو ہیڈ کوچ اورسابق جنوبی افریقی کرکٹر ہاشم آملہ کو بیٹنگ کوچ مقرر کیا گیا ہے۔ ڈیرن سیمی پہلے مرحلے میں مصروفیات کے باعث دستیاب نہیں، اس لیے پی ایس ایل 7 کیلئے جیمز فوسٹر پشاور زلمی کا ہیڈکوچ مقرر کیا گیا ہے۔جیمز فوسٹرزلمی کیساتھ 2 سال اسسٹنٹ کوچ کے طور پر منسلک رہے ہیں، محمد اکرم ٹیم ڈائریکٹر اور باؤلنگ کوچ کے فرائض سر انجام دیں گے۔ترجمان پشاور زلمی کے مطابق سابق کپتان انضمام الحق پشاور زلمی کے اعزازی صدر ہیں۔چیئرمین پشاور زلمی جاوید آفریدی نے کہا ہے کہ ٹیم مینجمنٹ کیلئے نیک خواہشات کا اظہار کرتا ہوں۔ ذرائع کے مطابق ذاتی مصروفیات کی وجہ سے اس مرتبہ ڈیرن سیمی نے پشاور زلمی کا حصہ بننے سے معذرت کرلی۔