لاہور(کامرس رپورٹر)دبئی کے ارب پتی وینچیر کیپٹلسٹ اوریوٹیوب انفلوئنسرنے پاکستان میں ٹیک اورڈیجیٹل مارکیٹنگ ایجنسی     حاصل کرلی ۔دنئی میں مقیم ارب پتی وینچر کیپٹلسٹ ، کارل ایرک مارٹن رنفیلیٹ ( عرف دی مون کارل ) نے اپریل اینڈ جون ڈیجیٹل پرئیویٹ لمیٹڈ کو حاصل کر لیا ہے ، جس کا شمار پاکستان کی چند ایک بڑی ڈیجیٹل مارکیٹینگ اور ٹیکنالوجی  کمپنیز  میں ہوتا ہے ۔اپریل اینڈ جون ڈیجیٹل پرائیویٹ لمیٹڈ نے اپنے گیارہ سال سے زائد کے تجربے میں بے شمار ملٹی نیشنل ای کامرس ، ویب ڈویلپمنٹ ، ایپ ڈویلپمنٹ اینڈ ڈیجیٹل مارکیٹنگ کے پروجیکٹس مکمل کئے ہیں ۔کمپنی کے نئے سی ای وکارل رنفیلٹ نے اپنے پیغام میں کہا کہ پاکستان میں ڈیجیٹل کمپنی کے لئے ایک شاندار نئے سفر کا آغاز کرنا بڑے فخر اور خوشی کی بات ہے جو کہ نہ صرف اپریل اینڈ جون ڈیجیٹل پرائیویٹ لمیٹڈ کے لیے بلکہ جدید ٹیکنولوجی اور بلاک چین لینڈ سکیپ کے لئے خوش آیندہے ۔