کراچی (اسپورٹس رپورٹر) سروری کلب حیدر آباد کے زیر اہتمام 30واں آل پاکستان اللہ وسایا بھٹی شوٹنگ بال ٹورنامنٹ،حسین آباد، حیدر آباد میں منعقد کیا گیا۔جس میں پاکستان بھر سے48ٹیموں نے شرکت کی۔ فائنل احمد تھیبہ کلب ٹنڈوالہ یاراور نیاز کلب حیدر آباد کے مابین کھیلا گیا جس میں نیاز کلب حیدر آباد نے 2-1سے میچ جیت لیا اور فائنل ٹرافی پر قبضہ حاصل کیا۔احمد کلب کی جانب سے حافظ مختار، اعجاز قریشی،عبا س جوئیہ کی جانب سے عمدہ کھیل کا مظاہرہ جبکہ نیاز کلب کی جانب سے صدام حسین،قیصر بھٹی،اسرار کیانی اور محبوب سولنگی کی جانب سے عمدہ کھیل کا مظاہرہ کیا گیا۔محبوب سولنگی کو ٹورنامنٹ کے بہترین کھلاڑی کا اعزاز دیا گیا اور ٹرافی دی گئی۔فائنل کے مہمان خصوصی آغا سہیل پٹھان صدر پاکستان شوٹنگ بال فیڈریشن تھے جنہوں نے کھلاڑیوں میں انعامات تقسیم کئے۔فائنل جیتنے والی ٹیم نیاز کلب حیدرآباد کو ٹرافی اور 50ہزار نقد انعام دیا گا۔نیاز کلب حیدر کو صدر سندھ شوٹنگ بال ایسوسی ایشن خان محمد ڈاہری کی جانب سے 20ہزار نقد اور احمد کلب کو 10ہزار روپے نقد دیا گیا۔نیاز کلب حیدر آباد نے مسلسل 8آل پاکستان ٹورنامنٹ جیتنے کا اعزاز حاصل کیا۔