اسلام آباد؍ راولپنڈی (خبرنگار+ اپنے سٹاف رپورٹر سے) وفاقی دارالحکومت اسلام آباد سمیت ملک بھر میں باران رحمت کیلئے نماز استسقا ادا کی گئی۔ جمعہ کو وزارت مذہبی امور کی اپیل پر ملک بھر میں نماز جمعہ کے بعد نماز استسقا ادا کی گئی جس کی اپیل نگران وزیراعظم انوار الحق کاکڑ کی ہدایت پر وزارت مذہبی امور نے کی تھی۔  دربارِ عالیہ عید گاہ شریف راولپنڈی میں سجادہ نشین حضرت پیر محمد نقیب الرحمن کی امامت میں نمازِ استسقاء ادا کی گئی۔