ایکسپو سنٹر لاہور میں 3 روزہ میگا لیدر شو 2024ءکا آغازکردیا گیا 

لاہور(کامرس رپورٹر )ایکسپو سنٹر میں تین روزہ میگا لیدر 2024 شو کا آغاز ہو گیا ہے۔ پاکستان فٹ ویئر مینوفیکچررز ایسوسی ایشن کے چیئرمین منصور احسان شیخ، پاکستان ٹینرز ایسوسی ایشن کے چیئرمین محمد مہر علی، اور گونڈانگ فوٹ ویئر ایسوسی ایشن کے چیئرمین مسٹر لیوسوئلونگ نے اس میگا لیدر شو کا افتتاح کیا۔یہ شو 26تا 28 جنوری تک جاری رہے گا، ملک بھر سے چمڑے کی صنعت سے وابستہ افراد بھرپور شرکت کر رہے ہیں۔ میگا لیدر شو کا مقصد مینوفیکچررز اور فیصلہ سازوں کو ایک چھت کے نیچے لانا اور شرکاءکو نیٹ ورکنگ اور تعاون کےلئے ایک مثالی پلیٹ فارم فراہم کرنا ہے۔یہ تقریب جوتے بنانے والوں ، درآمد کنندگان ، برآمد کنندگان ، پروسیسرز ، اور دیگر رہنماو¿ں کو بات چیت کرنے کا ایک منفرد موقع فراہم کرے گی۔