شیخوپورہ کے عوام نواز شریف سے والہانہ محبت کرتے ہیں : امجد لطیف  

شیخوپورہ (نمائندہ خصوصی) مسلم لیگ ن کے سینئر رہنما سابق چیئرمین بلدیہ ن لیگ کے نامزد امیدوارپی پی 141میاں امجد لطیف نے کہا ہے کہ شیخوپورہ مسلم لیگ ن کا مضبوط قلعہ ہے شیخوپورہ کے عوام نواز شریف سے والہانہ محبت کرتے ہیں 8فروری کو عوام شیر پر مہر لگا کر پاکستان کی ترقی اور عوام کی خوشحالی پر مہر ثبت کریں گے ان خیالات کا اظہار انہوں نے انجمن تاجران کے جلسہ سے خطاب کرتے کیا میاں امجد لطیف نے کہاکہ شیخوپورہ میں سب سے ترقی اور تعمیراتی کام ن لیگ کے دور میں ہوئے فرزند شیخوپورہ میاں جاوید لطیف نے شیخوپورہ میں گرلز کالج ،انڈرپاسز ،گرین بیلٹ ،پارکوں کی تزئین و آرائش ،مونومنٹس ،منی بائی پاس ،جیسے منصوبے مکمل کرکے شیخوپورہ کو ایک ماڈل سٹی بنایا ہے۔اس موقع پر تحریک انصاف کے درجنوں کارکنوں نے مسلم لیگ ن کے نامزد امیدوا رمیاں جاوید لطیف اور میاں امجد لطیف کی حمایت کا اعلان کیا ۔