گوجرانوالہ(نمائندہ خصوصی)ریجنل الیکشن کمشنر گوجرانوالہ کی طرف سے گوجرانوالہ میں انتخابات کے دوران پولنگ سٹیشنوں میں سکیورٹی انتظامات کو یقینی بنانے سے متعلق ایڈیٹوریم ہال ڈسٹرکٹ پولیس لائن گوجرانوالہ میں ماسٹر ٹرینرز کی 2 روزہ تربیتی ورکشاپ کا انعقاد کیا گیا۔ ورکشاپ میں انتخابات کے دوران پولیس ماسٹر ٹرینرز کو پولنگ سٹیشن یا پولنگ بوتھ میں حفاظتی انتظامات کو یقینی بنانے کے متعلق مختلف اقدامات کرنے جس میں پولنگ سٹیشن کے ارد گرد مشکوک افراد پر کڑی نظر رکھنے، پولنگ اسٹیشن پر ووٹ کے اندراج کے لیے آنے والے ووٹرز کا اصلی قومی شناختی کارڈ چیک کرنے اور تلاشی لینے، میڈیا اور مبصرین کے الیکشن کمیشن کی طرف سے جاری کردہ پاس چیک کرنے، کسی بھی ناخوشگوار واقعہ رونما ہونے کی صورت میں حفاظتی اقدامات کرنے کے متعلق تربیت دی گئی۔ حفاظتی انتظامات کے متعلق تربیتی ورکشاپ میں ریجنل الیکشن کمشنر گوجرانوالہ زاہد سبحانی اورڈپٹی ڈائریکٹرٹریننگ عدنان سخاوت علی نے الیکشن کمیشن آف پاکستان کی جانب سے جاری کردہ پولنگ اسٹیشنوں پر حفاظتی انتظامات کو یقینی بنانے کے متعلق تربیت دی۔