ملک کی ترقی صرف میاں نواز شریف کے ساتھ جڑی ہوئی ہے،حنیف عباسی

 راولپنڈی (اپنے سٹاف رپورٹر سے )مسلم لیگ ن  کے رہنما آصف عباسی  طرف سے پنڈوڑا میں منعقدہ کارنر میٹنگ سے  خطاب کرتے ہوئے مسلم لیگ ن کے میدوار حلقہ این اے 56محمد حنیف عباسی نے کہا ہے کہ 8 فروری کو ہر جگہ سے شیر جیتے گا۔ آج سابق وزیر اعظم میاں شہباز شریف کا تاریخی استقبال ہو گا۔ شہباز شریف لیاقت باغ جلسہ میں پاکستان مسلم لیگ کے آئندہ کے لائحہ عمل کا اعلان بھی کرینگے ۔حنیف عباسی کا کہنا تھا کہ اس ملک کی ترقی صرف میاں نواز شریف کے ساتھ جڑی ہوئی ہے ۔ میاں نواز شریف کی ٹیم اس ملک کو دوبارہ ترقی دے گی ۔ راولپنڈی کے عوام اپنے قائد کا استقبال کرنے لیاقت باغ پہنچیں گے ۔ ان کاکہنا تھا کہ پی ٹی آئی اور شیخ رشید نے عوام کے لیے کچھ نہیں کیا ۔ ان کی نااہلی کی وجہ سے آج راولپنڈی میں بے پناہ مسائل ہیں ان تمام مسائل کو ترجیح بنیادوں پر حل کرینگے ۔ حلقہ پی پی 17سے مسلم لیگ ن کے امیدوار راجہ عبد الحنیف کا کہنا تھا کہ راولپنڈی کی عوام آج ہفتہ کو شہباز شریف کا تاریخی استبال کر کے ثابت کرینگے کہ کہ راولپنڈی مسلم لیگ ن کا شہر ہے ۔ ان کا کہنا تھاکہ عوام 8 فروری کو گھروں سے نکلیں اور شیر پر مہر لگا کر ہمارے تمام امیدواروں کو کامیاب بنائیں ۔کارنر میٹنگ سے خطاب کرتے ہوئے  آصف عباسی اور عابد عباسی  کا کہنا تھا کہ ہم اپنی عوام اور علاقے کے لوگوں کے مشکور ہیں کہ انہو ں نے اس کارنر میٹنگ کو کامیاب بنایا ہمارے تمام مسائل کا حل حنیف عباسی اور ان کے ٹیم کے پاس ہے جیتنے کے بعد ہمارے علاقے کے تمام مسائل کو ترجیح بنیادوں پر حل کرائینگے ۔ کارنر مٹینگ سیجاوید انور مغل راجہ غلام اصغر،  راجہ اسحاق عباسی،  محسن کیانی ودیگر نے بھی خطاب کیا۔