شب برات کے با برکت  موقع پرملک بھرکی مساجد میں خصوصی تیاریاں کی گئی ہیں ۔ آج رات مساجد میں ذکر  اور درود و سلام کی روح پرورمحافل کا اہتمام کیا گیا ہے ۔ مختلف مذہبی جماعتوں اور تنظیموں کی جانب سے نماز مغرب کےساتھ ہی اجتماعی دعاؤں اور محافل کا اہتمام کیا جائے گا ۔ شب بیداری میں نوافل ادا کیے جائیں گے اور علمائے کرام شب برأت کے فضائل بیان کریں گے۔ جبکہ قبرستانوں کے راستوں پراستقبالیہ کیمپ لگائے جائیں گے۔ کراچی میں شب برأت کا مرکزی روح پرور اجتماع میمن مسجد مصلح الدین گارڈن کھوڑی گارڈن میں بعد نماز مغرب منعقد ہوگا۔ اجتماع سے علامہ سید شاہ تراب الحق قادری خطاب کریں گے۔ ادھرسنی تحریک کے زیراہتمام  قبرستانوں کے باہراستقبالیہ کیمپ لگائے جائیں گے جس میں چائے، دودھ اورشربت ، کی سبیلوں کا اہتمام ہوگا ۔ شب برات کے احترام میں آج ملک کے تمام تھیٹراور سینما ہال بند رہیں گے اور کوئی شوپیش نہیں کیا جائے گا۔