گیس لوڈ مینجمنٹ پلان کے تحت لاہور ریجن سمیت متعدد شہروں کو ڈھائی روز کے لیے گیس کی سپلائی بند کی گئی تھی جوکہ آج سہہ پہرتین بجےبحال کردی جائے گی۔ گیس کی بندش کے باعث لاہور، شیخوپورہ، ساہیوال، ملتان اورگوجرانوالہ میں شہریوں کو شدید مشکلات کا سامنا کرنا پڑرہا ہے جبکہ شہری ٹرانسپورٹروں کومن مانے کرائے دینے پر مجبورہیں۔ لاہورریجن میں آج سی این جی فلنگ سٹیشنز کوگیس کی بحالی کے بعد کل صبح چھ بجے سے اگلے ڈھائی روز تک پوٹھوہاراور بہاولپورریجن کوگیس کی فراہمی بند کردی جائے گی۔سی این جی اسٹیشنزمالکان کا کہنا ہے کہ حکومت کی ناقص پالیسیوں کی وجہ سے معاشی حالات تباہی کی جانب بڑھ رہے ہیں اورکاروبارتباہ ہوکررہ گیا ہے۔