لاہور( سٹا ف رپورٹر )مناواں کے علاقہ میں چار بچوں کا باپ کرنٹ لگنے سے ہلاک ہو گیا جبکہ اسکا ساتھی شدید زخمی ہوگیامعلوم ہوا ہے کہ باغبانپورہ کا رہائشی چالیس سالہ شفیق الیکٹریشن تھا گزشتہ روز شفیق اپنے شاگرد انیس کے ساتھ کسی مناواں کے علاقہ میں واقع  اشفاق کی کوٹھی میں الیکٹریشن کا کام کررہا تھا کہ اچانک دونوں کو بجلی کا زور دار جھٹکا لگا اور دونوں بری طرع جھلس گئے۔ شالیمار ہسپتال پہنچایا جہاں شفیق جانبر نہ ہوسکا  جبکہ اسکے ساتھی کی حالت اب خطرے سے باہر بتائی جاتی ہے۔