سرینگر (صبا ح نیوز) بھارتی فوج کے ایک جنرل نے اعتراف کیا ہے کہ انہیں اسلحہ کی شدید قلت کا سامنا ہے۔ بھارتی فوج کی شمالی کمان کے کمانڈر لیفٹیننٹ جنرل ڈی ایس ہوڈا نے سرینگر میں صحافیوں کو بتایا اسلحہ کی کمی کا مسئلہ بھارتی پارلیمنٹ میں بھی اٹھایا گیا ہے۔ فوج کو مجموعی طور پر اسلحہ کی قلت کا سامنا ہے اور یہ کسی خاص سرحد کا مسئلہ نہیں ہے۔ اسلحے کے ذخیروں کو بڑھانے کے لئے کوششیں جاری ہیں۔ اس قلت سے فوج کی روزمرہ کی کارروائیوں پر کوئی اثر نہیں پڑے گا لیکن جنگی صورتحال سے نمٹنے کے لیے بھاری ذخیروں کی ضرورت ہوگی۔