کاہنہ : بیٹے نامعلوم نعش اپنی سمجھ کر دفنانے پہنچے‘ باپ زندہ سلامت گھر پہنچ گیا

کاہنہ (نامہ نگار) نامعلوم نعش کو والد کی سمجھ کر بیٹے تدفین کے لئے قبرستان پہنچے تو ان کا باپ زندہ سلامت گھر پہنچ گیا۔ پاڑویں تھہ کے قریب فیروز پو روڈ سے کاہنہ پولیس کو نامعلوم بزرگ کی نعش ملی جسے ممتاز حسین اور جبارنے اپنے والد اللہ وسایا کے طور پر شناخت کر لیا جو اپنے گائوں بہاولپور تدفین کے لیے گئے جب میت کو دفنانے کے لیے قبرستان لے جایا گیا تو عین اس وقت ان کا والد زندہ سلامت ان کے کاہنہ میں واقع گھر میں پہنچ گیا جس کو دیکھتے ہی اہل محلہ کی خوف سے دوڑ یں لگ گئیں اللہ وسایا نے بتایا کہ اسے نامعلوم افراد نے کوئی بے ہو ش کرنے والی چیزکھلا کر کسی ویران جگہ پر پھینک کر جیب سے نقدی وغیر ہ نکال کر لے گئے جب ہوش آیا تومیں واپس گھر آگیاکاہنہ پولیس نے اطلاع ملنے پر نامعلوم لاش کو واپس منگوانے کی ہدایات جاری کردیں۔