26 اضلاع کے الیکشن کمشنر تبدیل 42 افسروں کے تبادلے

اسلام آباد (نوائے وقت رپورٹ) الیکشن کمشن نے 26 اضلاع کے الیکشن کمشنر تبدیل کر دیئے۔ الیکشن کمشن نے گریڈ 18 کے 42 افسروں کے تبادلے کر دیئے۔ پنجاب میں 7، سندھ، بلوچستان کے 2، 2 اور خیبر پی کے میں 6 اضلاع کے الیکشن کمشنر تبدیل کئے گئے ہیں۔ اسلام آباد، کراچی سائوتھ، بہاولپور، رحیم یار خان کے الیکشن کمشنرز تبدیل کردیئے گئے۔ تبادلے سرگودھا، پشاور، کوہاٹ، قمبر شہداد کوٹ، ملتان ٹو، پنجگور، دادو، کوئٹہ فیلڈ میں کئے گئے۔