قصور، ٹوبہ: نہروں میں ڈوب کر کمسن بچے سمیت 2 افراد جاں بحق

قصور + ٹوبہ (نامہ نگاران + نمائندہ نوائے وقت) نہروں میں نہاتے ہوئے کمسن بچے سمیت 2 افراد ڈوب کر جاں بحق ہوگئے۔ تفصیل کے مطابق نتھووالا کے قریب عبدالحلیم کا سات سالہ بیٹا عاطف علی پل نہر بی آر بی کے اوپر سے گزر رہا تھا اچانک پھسل کر نیچے گر گیا اور ڈوب کر جاں بحق ہو گیا اطلاع ملنے پر ریسکیو 1122 عملہ نے اس کی نعش نہر سے نکال کر ورثاء کے حوالے کر دی۔ ٹوبہ ٹیک سنگھ کے نواحی گائوں چک نمبر 359گ ب کے عبدالغفار کا چودہ سالہ بیٹا سیف نہر میں نہانے کیلئے گیا اور نہاتے ہوئے تیز پانی میں بہہ کر جاں بحق ہوگیا۔ اطلاع ملنے پر ریسکیو 1122کی ٹیم نے سیف کی نعش نہر سے نکال کر ورثا کے حوالے کردی ۔