ڈی جی خان سیمنٹ کمپنی نے ایشیا کے سب سے جدید پلانٹ کا افتتاح کر دیا

لاہور (پ ر) ڈی جی خان سیمنٹ کمپنی لمیٹڈ جوکہ نشاط گروپ (پاکستان کا سب سے بڑا صنعتی گروپ) کا حصہ ہے نے حال ہی میںکراچی کے قریب حب میں اپنے ایشیا کے جدید ترین یورپین سیمنٹ پلانٹ کا افتتاح کیا۔ یہ ایشیا کاٹیکنالوجی کے حساب سے جدید ترین پلانٹ ہے جو کہ 30مہینے کی سب سے کم مدت میںپایہ تکمیل تک پہنچا۔ اس پلانٹ کو مشینری یورپ سے FLSmiidth،Loescheاور Haver & Boecker کمپنیوں نے سپلائی کی ہے۔ اس پلانٹ کو اسطرح سے ڈیزائین کیا گیا ہے کہ یہ زیادہ سے زیادہ آئو ٹ پُٹ دے اور ماحول پر کم سے کم اثر ڈالے۔ یہ پلانٹ ماحولیات کے تمام انٹرنیشنل سٹینڈرذ پر پورا اترتا ہے ۔ ڈی جی سیمنٹ کی روزانہ کی پراڈکشن 25000 ٹن ہے۔ یہ اپنا تمام را میٹریل پاکستان سے ہی حاصل کرتا ہے ڈی جی خان سیمنٹ ان چند کمپنیز میں سے ہے جو کہ پاکستان سے صرف لائم پتھر سے ہائی کوالٹی کاسیمنٹ بنا رہا ہے۔