کراچی(نیوزرپورٹر)اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ سال دوم کے سائنس جنرل، ہوم اکنامکس گروپس اور ڈپلومہ ان فزیکل ایجوکیشن کے سالانہ برائے امتحانات 2019ء کے اسکروٹنی فارم پیر 29جولائی سے بدھ 28اگست 2019ء تک وصول کیے جائیں گے۔ بورڈ کے جاری کردہ نوٹیفکیشن نمبر BIE/CE/SCRUTINY/152/2019 کے مطابق اسکروٹنی کروانے کے خواہشمند طلباء اپنے اسکروٹنی فارم درج بالا تاریخوں میں UBL کی کسی بھی برانچ میںفیس جمع کروانے کے بعد وائوچر کے ساتھ بورڈ آفس کے متعلقہ سیکشن میں جمع کرواسکتے ہیں۔