بیجنگ (اے پی پی) چینی فوج کی جانب سے امریکا پر تنقید کے بعد امریکی حکومت نے جنگی بحری بیڑہ آبنائے تائیوان روانہ کر دیا ہے ۔ بیجنگ نے گزشتہ روز واشنگٹن کو خبردار کیا تھا کہ وہ تائیوان سے دور رہے بصورت دیگر ضروری ہوا تو طاقت کا استعمال کیا جائے گا۔چینی فوج کی جانب سے تائیوان کے معاملے میں امریکی مداخلت پر تنقید کے بعد امریکا نے انٹیاٹم نامی بحری بیڑہ آبنائے تائیوان کی جانب روانہ کیا ہے۔ادھر امریکی بیڑے کے ترجمان نے کہا ہے کہ امریکا اپنے مفادات کے تحفظ کی خاطر کشتیوں کی آزادانہ نقل وحرکت جاری رکھے گا۔ چین نے واقعہ پر شدید تحفظات کا اظہارکیا ہے۔