ایشین بریڈمین ظہیرعباس نے 73ویں سالگرہ منائی

کراچی(پی پی آئی)پاکستان کے اسٹائلش بیٹسمین ظہیرعباس نے ہفتہ کو اپنی 73ویں سالگرہ منائی۔ان کے احباب نے مبارکباد دی اور گلدستے پیش کئے جس کا انھوں نے ژکریہ ادا کیاایشین بریڈمین کے نام سے مشہور رائٹ ہینڈ بیٹسمین ظہیر عباس چوبیس جولائی انیس سو سینتالیس کو سیالکوٹ میں پیدا ہوئے۔ظہیرعباس نے ٹیسٹ کیریئربارہ سنچریوں کی مدد سے پانچ ہزارباسٹھ رنزبنائے۔باسٹھ ون ڈے میچز میں دوہزار پانچ سو باہتررنز اسکورکئے، سات سنچریاں بھی اسکور کیں۔ظہیرعباس نے اپنے دوسرے ہی ٹیسٹ میں انگلش سرزمین پردوسو چوہتر رنز کی اننگ کھیل کر مقبولیت حاصل کی۔ان کاشمار پاکستان کی تاریخ کے بہترین بیٹسمینوں میں کیا جاتا ہے،دوہزارپندرہ میں وہ آئی سی سی کے صدر بھی رہ چکے ہیں۔