گوجر خان ،بین الاضلاعی زیروپٹھان گینگ کے چارملزمان گرفتار

گوجرخان(نامہ نگار) ایس پی صدر نے بتایاکہ ایس ڈی پی اوگوجر خان کی زیرنگرانی ایس ایچ او گوجر خان نے اپنی ٹیم کے ہمراہ کارروائی کرتے ہو ئے ڈکیتی اور راہزنی کی وارداتوں میں ملوث بین الا ضلا عی زیروپٹھان گینگ کے چارملزمان کوگرفتارکرلیا، ملز مان سے مختلف وارداتوں میں استعمال ہونے والا ا سلحہ ایمونیشن اور ملزمان کے زیر استعمال گاڑی برآمد کرلی،ایس پی نے مزید بتایاکہ ملزمان راہگیروں اور پرائیویٹ گاڑیوں کا تعاقب کرتے اور ویران علاقے میں پہنچنے پر انہیں اسلحے کے زور پر لوٹتے تھے، ملزمان نے تھانہ گوجر خان، مندرہ، جہلم اورجی ٹی روڈ پرمتعدد وارداتوں کا انکشاف کیا،ملزمان کو شناخت پریڈ کے لیے جیل منتقل کیا جارہا ہے، شناخت پریڈ کے بعدملزمان سے مزیدتفتیش کی جائے گی،سی پی او محمد احسن یونس نے ملزمان کی گرفتاری پر ایس پی صدر،ایس ڈی پی او،ایس ایچ او گوجر خان اور پولیس ٹیم کو شاباش دیتے ہوئے کہاکہ شناخت پریڈ کے بعد ملزمان سے تفتیش کرکے مال مسروقہ کی برآمدگی کویقینی بنایاجائے اور گرفتارملزمان کے دیگر سہولت کاروں کوبھی گرفتارکیاجائے۔