کہروڑپکا‘ پل 60 ہزار (خبر نگار‘ نامہ نگار ) دیورکی اسلحہ کے زور پر بھابی سے زیادتی۔تصاویر اورویڈیو بنا لی۔شوہر کو بتانے پر آگ لگانے کی کوشش۔بیوی کی انصاف کے لئے دہائی۔پولیس نے مقدمہ درج کرلیا۔تفصیل کے مطابق موضع بہاولگڑھ کی رہائشی نگینہ بی بی دختر غلام شبیر نے تھانہ صدر کو دی گئی درخواست میں موقف اختیار کیا ہے کہ اس کی شادی تقریباً6ماہ قبل مبشر مئیو سے ہوئی تھی جو کہ رکشہ پر سبزی فروخت کرتا ہے شادی کے چار ماہ بعد وہ گھر میں اکیلی تھی کہ اس کا دیور غلام مصطفی اورمحمد الیاس پسٹل سے مسلح ہو کر زبردستی کمرے میں گھس آئے اورکمرے کو اندر سے بند کر کے مجھے جان سے مارنے کی دھمکی دے کر مصطفی نے میرے ساتھ زبردستی زیادتی کی جبکہ الیاس نے میری تصاویر اورویڈیو بنا لی اوردھمکی دی کہ اگر کسی کو بتایا کہ انٹر نیٹ پر وائرل کردیں گے اس دوران کئی مرتبہ میرے ساتھ زیادتی کی۔ عزت کے ڈر اورخوف سے شوہر کو بھی نہ بتایا آخر کار ظلم سے تنگ آکر ایک ماہ قبل اپنے شوہر اورسسر کو بتایا تو وہ طیش میں آگئے مصطفی اورالیاس کو برا بھلا کہنے کی بجائے مجھے مارنا پیٹا شروع کردیا اورمجھ پر پٹرول چھڑک کر آگ لگانے کی کوشش کی شور واویلا پر اہل علاقہ نے جان بخشی کرائی میرے ساتھ زیادتی ہوئی ہے پولیس نے مقدمہ درج کرکے کاروائی شروع کردی۔