اسلام آباد (اپنے سٹاف رپورٹر سے)چیف آرگنائزر پاکستان تحریک انصاف سینیٹر سیف اللہ خان نیازی نے آزاد کشمیر اسمبلی کے انتخابات میں پی ٹی آئی کی تاریخی کامیابی پر اظہارِ تشکر کیا اورکہا ہے کہ حمد و ثناء اس رب کی بارگاہ میں جو عزت و ذلت کا واحد مالک،اقتدارِاعلیٰ کا تنہاحقدارہے انہوں نے کہا کہ اہلِ کشمیر نے وزیراعظم کی آواز پرتحریک انصاف کا پیغام سینے سے لگا کر اپنے ووٹ کی طاقت سے تبدیلی کا خیرمقدم کیا اس تاریخی خیرمقدم پرغیوراہلِ کشمیرکے مشکور ہیںہمارا عہد یہی ہے کہ اپنے بھائیوں سے کیا گیا ہر وعدہ نبھائیں گے۔