کوئٹہ: ہزار گنجی سبزی منڈی کے گیٹ پر بم دھماکہ، 4 افراد زخمی

کوئٹہ (نوائے وقت رپورٹ) ہزار گنجی میں سبزی منڈی کے گیٹ پر دھماکے کے نتیجے میں 4 افراد زخمی ہو گئے۔ ترجمان سی ٹی ڈی کا کہنا ہے کہ بارودی مواد ٹائم ڈیوائس کے ذریعے نصب کیا گیا تھا۔ تفصیلات کے مطابق کوئٹہ کے علاقہ ہزار گنجی میں سبزی منڈی کے گیٹ پر دھماکہ ہوا جس کے نتیجے میں 4 افراد زخمی ہو گئے جنہیں ہسپتال منتقل کر دیا گیا ہے۔ دھماکہ سے قریبی عمارتوں کے شیشے ٹوٹ گئے۔ پولیس اور دیگر سرکاری حکام جائے وقوعہ پر پہنچ گئے ہیں اور شواہد اکٹھے کئے جا رہے ہیں۔ ترجمان سی ٹی ڈی کا کہنا ہے کہ بارودی مواد ٹائم ڈیوائس کے ذریعے نصب کیا گیا تھا۔ دھماکے میں ایک کلو بارودی مواد استعمال کیا گیا جبکہ دھماکے میں 4 افراد زخمی ہوئے۔